سلام تسليمة ماهيب كذابه
تسليمة كلها طيب وريحاني

إعداد ماعاشت الآشجار في الغابه
وإعداد مالاح برق بين الأمزاني

للي عزيز مع الآجناب وأقرابه
(عيسى) عسى الله يجيره شر الأزماني

اللي يكن الوفا والطيب لأصحابه
وبالطيب يشهد له القاصي مع الداني

بين الرجاجيل له ماقف وله هابه
ياخذ ويعطي مع ذربين الأيماني

ابوه في وجه ظيفه ماقفل بابه
دايم فعوله فعول الصقر شيهاني

وابوه سعد الرفيق اللي تلوا به
بيته وسيعٍ لربعه لابدا شاني

حرٍ ولد حر والآقلام كتابه
الذيب سرحان نسل الذيب سرحاني

من لابتي يعتزي بي وآتعزوا به
في ذمتي ذمه إنه خامس أخواني

لولا الغلا والمحبه مابدا جابه
لكن قلبي يحس وينطق لساني

وترى المشاعر على الإنسان غلابه
ماهوب كيفي وكيف إفلان وإفلاني

ياخوي يااللي مقامك يحسب إحسابه
معزتك مانزلها واحٍد ثاني