*سر يانديبي صوب مرباع ذودنا
واختار من بين المطايا سبوقها
*ثم سمّ بالرحمن واطلق مطيّتك
صوب الديار اللي تلاوح بروقها
*اديار عليان الهُوَل تاج روسنا
ياجعلها بالسيل حتى يروقها
*سلّم على هلها سلامٍ يجمـلك
ومن غير تسليمك سلامٍ يفوقها
*تلقى تراحيبٍ وتلقى قبايلٍ
لها تواريخٍ وباقـي لحوقهـا
*وتلقى دلالٍ ناحرينٍ بها الغضى
يكيّفك مع شبّة الضو نشوقها
*تقهولك فنجال دلّه على العجل
وغنّلهم الابيات باحلى طروقها
*قبايلـي ياسعد منهم قبايله
ردادت سيوف العدى في حلوقها
*عليان عليان الهُوَل من جدودها
يشهد لها التاريخ ماضي عروقها
*لا صاح فيهم صايحٍ ماتوخروا
يقدمون ارواحهم من صدوقهـا
*خيّالة الميدان حرّابة العدى
مكّالة الاكباد والدم غبوقهـا
*لامن بغيت الشعر بامدح قبايلي
بأغلى المدايح وافتخر في نطوقها
*ومهمى مدحت بلابتي يعجز الحكى
واشوف مدحي مايوفّي حقوقها