شبكة عليان قصيدة الشاعر سعد بن عبدالرحمن القرني في الشاعر عيسى بن ابراهيم العلياني
سلام تسليم(ن) على الخاطر الزين
سلام بشموخ الشرف و المهابه
سلام وان قلته يرجح موازين
وأحر من قيض الجمر والتهابه
الشعر يسري في دمي والشرايين
وأخذت منه أدق وأحلى ثيابه
وأن ما يثنـّى للرفاقه على البين
بلاش من جر الحبر والكتابه
سلام ياولد الشيوخ الميامين
شيوخ من وقت القسا والصلابه
تستاهل التقدير ياقرة العين
ياصاحبن وقت اللقا ينغزابه
فيك الثقه وان جات عبر السلاطين
تستاهل التتويج واعلى رتابه
واليا حداك الوقت زين(ن) مع شين
تبقى على بيت الشرف وانت بابه
رفيق عز ومحزم الضيق والبين
انت الخوي لاجا سوال وجوابه
كسبت ياعيسى الثقه من هنا لين
وصلت لاحفاد الملك و القرابه
العز جاك بمدت ايمين ليمين
مارحت تسعى له وتطلب جنابه
انت الجبل لاجات ريح المقفين
مااهتز من صوت الحسود ونحابه
يفداك وجه اللي لا دنيا ولادين
ويفداك من جهله يضيع صوابه
واستغفرالله عد جهد المصلين
والحمدلله عـد مافك بـآبـه ...
دمتم
- ×
التعليقات ( 0 )
جميع الأوقات بتوقيت جرينتش +3 ساعات. الوقت الآن هو 09:55 صباحًا الخميس 25 أبريل 2024.