ولا يا الله أني طالبك فأنك العوان=يلاهي وتعلم بادي الأمر والغابي
تثبت لساني عند ما تبدع القيقان=أعبر بها لبيات تفكيري النابي
تفكرة بالدنيا ومرة على أزمان=عرفت البشر واجد قرابات وأجنابي
وأعرف أن وقت اللين تكثر بهالخلان=ولا ضاقت الدنيا يقلوب لصحابي
وأشوف الرجال أصناف وفلان غير أفلان=وصوفاً تعدد مع تعداد لسبابي
أحد تعتزينه حزة الضيف بالميدان=يسرك ولو تنطحبه القوم ما هابي
وأحد في محله يكرم الضيف والجيران=ويسولف ويضحك بالثنايا ولنيابي
ومنهم بخيل عنده المال شانه شان=ولا يتذكر بالطيب لا جاوه أجنابي
ومنهم سديد الرأي في مجلس الشيخان=ولا يمشي إلاقدم عطران لشنابي
ومنهم ضعيف ينحسب جملة النسوان=على خلقته ما ينحسد حظه الهابي
ومنهم نمومن بالمجالس عليه إلسان=لسانه مدربها على هتك لنسابي
ومنهم كذوب فاشل هابي خوان=ولو يرتفع صوته ردي وكذابي
ومنهم صدوق القول والصدق له عنوان=ومن قال قول الصدق ما هوب ينعابي
ومنهم حسين أخلاق يبحث عن الإحسان=يحب النظام ولا يبي درب لنشابي
ومنهم صليب الراس للغير ما ينهان=من أجل الكرامه حسب درب لصعابي
وصوف الرجال أكثر ولا نيبها عجزان=لكن ما يقل يدل وينال لعجابي