ياول حضاً بهذا الخبث رامني=يا حض وسط المهامل كيف ترميني
وقفت واظنها ليام خانني=إلا إذا كان رب البيت ينجيني
يا حبيب هملتني والموقف احزني=يا حبيب ماهوب حق انك تخليني
ما به طيوراً لمرسولي تودني=ما عندي إلا سموم القيض صاليني
أبوي لو كان بغيابي دري عني=يكون لو كان في نومه يناديني
وسعيد لو يعلم الغايب نشد مني=ما يغلي الروح عني كان يفديني
ولو سعد لو دراء ان الموت ناصني=ما كان يرضى يشوف الموت ياجيني
وسعد رفيق السعد ماهوب ناسني=لو طاولت غيبتي ماهوب ناسيني
وفطيس الي ليا قرب الخطر مني=مضلته عن سموم القيض تذريني
ولو كان بندر سمعني يوم انا وني=ما كان خلال الدموع اتفيض من عيني
والقوافي على الأسما تسعدني=ذكرت كلاً من أحبه ويغليني