هذه القصيدة تشرح عن تغير طبيعة المجتمع في الوقت الحاضر عن الماضي
البارحه يوم المخاليق نيمه=هاظه على قلبي هواجيس وأفكار
سرا بوسط القلب والله عليمه=ما يعلمه ياكود علام لسرار
لاجيب أدور للنفوس السليمه=غديت كني تائهين غب لبحار
ولا جيت أدور للعلوم القديمه=لقيت ربعن مالها بينهم كار
يا عل راس ما يجي فيه شيمه=يقطع من الكتفين ويحط بالنار
لا شفت رجل ما يعاند خصيمه=تراه في كلالمواقيف بوار
كبه ولا تدعيه عند الوليمه=ولا تقدمله من الين مقدار
جنب طريقه لا تعده بقيمه=وش لك بطرد مقفي يبعد الدار
ما يقبل الهزلات كود البهيمه=وكلا معي شكله مريح ومختار
خله بدربه والليالي مقيمه=ولا بد يومن تظهر الشمس بأخبار
