شفتها تمشي على شاط البحر=واعجبتني يوم تقصر بالمسير
الله أكبر يوم ردت بالنظر =صابني من عينها سهم خطير
تقصر الخطوه وتمشي في حذر=كنها الورقا على جال الغدير
الجدائل والردايف والخصر=تذبح العشاق في وقت قصير
تلفت الأنظار وعيون البشر=يوم تمشي كنها بدر منير
آه ليت الله كفاني يا سفر=ليتني ما شوفتها وقت العصير
ان ذبح طير المهامل وانقهر=ما قوى حيله حناحه للمطير
شفتها بالعين صدفه بالعمر=يا عسى الأيام تجمعنا بخير
