مرحوم يا يابه لك الطيب معمور الله عسى الفردوس دارك وماواك
ياصادق الكلمة لك الصدق مخبور لاشرت شورك ماحدا بعد يقفاك
والله لو تمضي بك اسنين وشهور لايمكن ان ننسى فعولك وذكراك
ملفى لربعك وانت بالجود مذكور وهيبه لربعك تشبه طويق هذاك
تحمى الرفيق ولاانت ياشيخ معذور الناس ماتعذر مثيلك وشرواك
كم سار من بعدك تخلات وقصور تغيرت يابوي من بعد ممشاك
انت اللذي تفتل وتنقض في الشور فخرا لنا يابوي ليقلت طعناك
من طاع شورك سالم الظلم والزور من حين مايسمع كلامك ومبداك
مقطاع حق وراعي الحق له دور انا اشهد انا يايبه قد فقدانك
يافزعة اللي صايبة في الدهر جور ماتنظلم من طيب ذكرك ذكرناك
الله يغفر زلتك وانت ماجور والله عسانا بجنة الخلد نلقاك