توكلنا على الله وكل شي بقدرة الرحمن=توكلنا عليه وبامره التصريف والتدبير
هلا ترحيبة الموقف هلا ترحيبة الضيفان=عدد ما الارتواز وعد ما ساقت سواني البير
هلا عد الخزاما والنفل والبرك والريحان=سقاها من سحاب الصيف غيث سخره تسخير
حيا الله الضيوف الوافدين من أي صوب كان=عدد الايات والتسبيح والتهليل والتكبير
حيا الله الوجيه النيرة بالدين والايمان=كيف اعبر عن شعور الجميع اعجز عن التعبير
تقابلنا على موعد تشاهدنا على عرفان=مقابلة الصديق وشوفة الغالي لها تأثير
نستقبل بن فطيس مرحبا ترحيبة الصفطان=فرحنا به وله منا الدعا والشكر والتقدير
عهدنا فيه تطوير الطرق بالعدل والميزان=نبي يهتم في مشروعنا ويطوره تطوير
على البيضاء مفوض بيض الله وجه بو حمدان=ربوع محافظة بالقرن تشهد له بفعل الخير
مشاريعه لها قيمه لها نهضه لها برهان=طموحه غير بذل وجهد ودراسة طموحه غير
توفقنا بتوفيق العزيز الواحد الديان=بمشروع ال يزيد وفكرة القايم بخط السير
تبناها حنش شيخ المشيخة من على الجدان=من الساس العريق يسطر التاريخ والتحرير
بدا مشروع يبدا من شريقة زفلته دركان=ربط الاسواق تهم وحجز للتوريد والتصدير
هلا باسم البشائر هل كرم جيرة حقوق انسان=الاهالي والدواير عمروا ساس البنا تعمير
ولا ننسى معاريف العوامر وانعم الجيران=يسير الطيب والمعروف بين الطيبين يسير
ولا ننسى الايادي البيض كان لها فضل واحسان=تجي في وقتها ما تقبل التقديم والتأخير
من اول ما يطاها الا الرياح وخافق الجنحان=تنحتها المواتر عقب ما كانت طريق بعير
يا ربي تحفظ ال سعود يالله يا عظيم الشأن=وتقطع سلسلة الاجرام والتخريب والتدمير