يالله يا منزل كتاب مسطر=تلاوته تقرأ بلفظ ومنطوق
تجعلني اصبر واحتسب واتصبر=والصبر زين وكل مطرود ملحوق
فرحة بشائر تبتسم وتمخطر=وطير السعد غنى على كل طاروق
لبست لها ثوب جديد مشجر=عليه روح الروح والعود مدفوق
لون الطبيعة تكتحل وتعطر=بزيارة ضيوف الغلا هزها الشوق
الضيف ضيف الله عزيز مقدر=ضيف علينا له مواجيب وحقوق
اهلا هلا نستقبل الضيف با أصفر=مستقبلين ومستحبين وصدوق
اهلا هلا حالي حلا يفسد المر=ترحيبة حلوه نظيفه لها ذوق
اهلا هلا اعداد نو تحدر=وبله غزير وله ذعاذيع وبروق
اغلا من الياقوت واغلا من الدر=وتمر نضيج في شماريخ وعذوق
جانا من المنجم طريقه مع البر=ونعم الخوي بالشيخ شعلان مرفوق
شعلان بن منصور يسلم ويشكر=شيخ ولد شيخ يزوع النظر فوق
والنهدي على الطيب يقدم ويقدر=شهم فليح الله يجيره من العوق
واللي حضر من الناس ماهوب يحقر=فعل الرجال ومصدر الشعر موثوق
وسعد يقول اقول واطول وافخر=الحي يحييك ويجري الدم بعروق
ابو مهند جاره الله من الشر=سباق على الخير ماهو بمسبوق
وشكرا من اعضاء التنمية والتطور=يستاهله عبدالله با اصفر شرف ذوق
فوائد الروضة وجمعية البر=ضد المجاعة والتسول في السوق
وصلوا عدد ما شوع الصبح واسفر=على النبي المصطفى خير مخلوق