يالله يا عالي شأنه على كل شأن=تحفظ بلاد خدمها خادم الحرمين
سلام يا اهل الحمية من قديم الزمان=حمية ما تغيرها طوال السنين
اللي تجمل وجددها ضمنها ضمان=ابو علي هو وابو سالم كرام اليمين
اشارك افراح عبدالله بكل امتنان=انت الرفيق الموالي وانت عيني اليمين
والله انا اغليك وادعى لك عيان بيان=بالدين والمال والذرية الصالحين
يا ذخر من جعل ماواهم فسيح الجنان=على كراسي جنان الخلج متقابلين
مبروك مبروك عيد الفطر عقب رمضان=عيد الفرح جعلنا وانتوا من العايدين
اقولها دون ربعي زرب حد الحصان=جميلة الحاضرين تجمل الغايبين
اجمل تهاني نقدمها من اغلى مكان=وازكى تحية تعم الحاضرين اجمعين
في مجلس له كيان دين وكرم واتزان=ترتاح فيه النفوس ويجمع الطيبين
العود الازرق يفوح وبنة الزعفران=واهلا وسهلا وروح الروح والياسمين
وصلاة ربي تحركها شفاة اللسان=على نبي شرع الاسلام للمسلمين