يالله يا قايد رجى من ترجاك=جل وتعالى نلتجي به ونرجيه
بك نستغيث ونطلب اهداك ورضاك=يا عالم سر ابن ادم وخافيه
سلام يا امير عزيز نصيناك=خالد الامير الله يطول مهاليه
خالد يلا صعبت علبنا زبناك=ومن يزبنك تقضي لزومه وتنهيه
يا اميرنا بالحال والمال نفداك=خالد ولد فيصل نحبه ونغليه
مرحوم ابوك اللي على العز رباك=دين وكرم وارشاد وحنكة وتوجيه
مرحوم ابوك اللي على الخير وصاك=رايه وجيه الله من النارينجيه
مرحوم ابوك اللي على الطيب علاك=والطيب ما يستغربك وانت راعيه
عط البشائر نفحة من عطاياك=مد العطا بيدك تمده وتعطيه
سميتها مشكور من عقل وادراك=هني للموقع ويشكر مسميه
نبغي تصير محافظه لا عدمناك=ارفع مسماها بما نقتنع فيه
تكفى يابو فيصل ومثلك وشرواك=عطنا ايجاد احلول ظرف نعانيه
يا خالد الفيصل سعدنا برؤياك=موقف شرف مجد وفخر نفتخر فيه
العلم ياروس الرجاجيل ينحاك=هذا دليل اول كلامي وتاليه
اللي علي ابدي لك الرأي وانخاك=واللي عليك الله يعينك تسويه