هذه قصيدة رثاء في المغفور له بإذن الله تعالى خادم الحرمين الشريفين الملك فهد بن عبد العزيز آل سعود - طيب الله ثراه
هـيـلـمي يـا قـوافي فــوق لــوح الـكـتـابــة=و اذرفــي يـا دمـوعـي كـالمـزون الــصبـيـبه
و اعلـنـي يـا بـلاد العُـرْب حـزن و كـآبـة=و انـدبـي يـا الـسـعـودية شـبـاب ٍ و شيبه
و كـل مـسـلـم هـداه الله يـعـلـن مـصـابه=في حـبـيـب الـقـلـوب اللـي مـلـكـها بطيبه
مات صقر الصقـور و مـات ذيـب الذيـابـه=مـات فـهـد الـعـرب يـا كـبـرها من مصيبه
مات من ناصر الاسـلام و اعـلـى خـطـابه=و يـشـهـد المـسـجـد الاقصى و مكة و طيبه
و مات من ساعـد المحتاج و اعطى نصابه=للـديـار الـفـقـيـرة و الـبــلاد الــنـكـيـبـه
و مـات مـن سيّس الـتعليم و اعطى جوابه=و انـشـره في الـبـلاد المـبـعـدة و الـقـريـبه
و مـات مـن سـيّر الـدولـة بحزم و مهابة =و مـا انـقطـع سيـل حبه رغم ذاك المهيبه
آآآآه يـا وجـد قـلبـي , و جد فاقد صوابه=و الا وجـد الـحـبـيـب اللـي مفارق حبيبه
أشهد انـها إصـابـه مـا بـعــدهـا إصـابـة=و اشـهـد أنـه جـراح ٍ مـا قـدربـه طبـيبـه
مـن يـعـزي الـيـتـيـم اللـي احتواه بغيابه=و عوضـه عـن اهَـلـْه اللـي فـقـدهم بـطيبه
و من يعزي الدخيل اللي نخى و اعتزابه=و رد لـه ديـرتـه مـن عقـب ذاك الغصيبه
مـا لـنـا غـيـر قـولـة يـا إلـــه الـغـلابــه=يـا رحـيـم ٍ نـصـلـيله و حـن نـرتـجيبـه
اسـكنـه جـنـة الـفـردوس و اجـزل ثـوابه=و ارحمه و اعل قدره يا رجـاه و مـثـيبه
و باسم ( عليان ) و جهنا العزا و الولا به=لبو متعب و ابو خالد سلـوم و حـريـبـه
ثـم علـى شـرع ربـي و مـا نـزل في كتابه=آل مــقــرن مـلـوك ٍ للـــبـلاد العريـبه
