بسم الله اكبر الحمد لله=على فضايل خيره إلي عطانا
إلي ما غيره بالعبادة عبدناه=ولا خضعنا روسنا وانحنانا
خير الكلام وخير نصه ومبداه=بسمه توكلنا وبسمه بدأنا
قلته وأنا شاعر وللشعر معناه=لدى حقوق ابلادنا إلي علانا
والشعر مهما في وطنا كتبناه=أكيد أكيد انا بعد ما وفانا
مير اطلبوا يا من حضر واطلب الله=يخفض لنا فخر البلاد وذرانا
فهد الذي من جود مدة عطاياه=عاش البعيد ومن عناه اغتنانا
عز الوطن والشعب بالعلم وارساه=حتى على روس المعال اعتلانا
يوم أجمعت كل العرب للمراياه=كل العرب شادوا بلاريا علانا
قالوا الرياض العاصمة واقترحناه=غير الرياض العاصمة ما بغانا
من جهد بو فيصل فهد لا عدمناه=عاش الزعيم إلي وراه اقتدانا
ويعش من بولاية العهد نرضاه=عبد الله إلي به نماري أعدانا
ويعش أبو خالد ذرى الشعب وحماه=وزير جيشا لا نخانا انتخانا
الموت نقدمله ظمايا وناطاه=بدو إحنا نفدي البلاد أبدمانا
نارد حياض الموت من لا مبالاه=عادتنا ننصى العدو لا نصانا
بقيادة أهل المدح والفعل والجاه=نسل الزعيم إلي جمع هلكيانا
عبد العزيز إلي رفع راية الله=حق الدعي له فرض واجب علانا
الله عسى في جنة الخلد مثواه=يا سامع الدعوات تسمع ادعانا
حرا بنا واللي بعده أكمل ابناه=وحنا لهم تحت الأمر ما عصانا
فرضا يجب منا وعهدا عطيناه=قادتنا وملوكنا وأمورنا
نموت والعهد الوفي ما نقضناه=واللهم نكرر كل وقتنا ولانا
