يلوم المولع واحداً بالهوى يجهل=ولا ذاق من دنياه مراً ولا حالي
أنا مستحيل أنسى أنا مستحيل أمل=ولو كان تعطي نظرتي نظرة السالي
على قول من قال أن لكل القضايا حل=أقود الرجا والله لا يخلف أمالي
ألا يا وليفي كل ما مر يوم وزل=تزايد غلاك أو يحصل النقص في حالي
ودمعي على خدي سحابه مطرها هل=رعدها ونبني برقها شوق يا الغالي
سحابة دموع الحزن من لوعتي ترسل=على خدتي كم ليلتاً سيلها سالي
ولما عذلني عاذلاً قلت لا تعذل =خطي صح هذا صالحي مالك ومالي
على شأن قدر فلان باصبر لما يحصل=يطول المدى وإلا قصر والله أقوالي
فلا تخلف الظنه فحبك لجى واحتل =ظماير فؤادي يا ظبي الفلا الخالي
وكلاً ومصلوحه على قدر ما يعمل=عليك الحذر يازين فالوقت ميالي
ترى الله مع من خان يمهل ولا يهمل=ولو ضحكت الدنيا له أيام وليالي